Qostanaılyq arý Bangkokte ótetin «Álem arýy-2025» baıqaýynda Qazaqstan atynan baq synaıdy

QOSTANAI. KAZINFORM – 20 jastaǵy qostanaılyq arý Dana Almasova eń tanymal Miss Universe 2025 sulýlyq baıqaýy ótetin Taılandqa jolǵa shyqty.

Ony aldyda tyńǵylyqty daıyndyq jumystary, repıtıtsııa, álemniń 125 elinen keletin baıqaýǵa qatysýshylarmen kezdesý kútip tur.

Miss Qazaqstan resmı paraqshasynda Dana Almasovanyń Bangkokke ushyp ketkeni týraly habarlandy. Onda 19 qarasha kúni 74-shi halyqaralyq «Álem arýy» baıqaýy bastalatyny habarlandy.

«Keshe biz Dana Almasovany Bangkokta ótetin Miss Universe 2025 baıqaýyna shyǵaryp saldyq. 19 qarashaǵa deıin Dana aýqymdy daıyndyqtan ótedi – jattyǵýlar, repetıtsııalar jáne túrli jarqyn sharalar josparlanǵan. Barlyq jańalyqtardy biz áleýmettik jelidegi paraqshamyzǵa jarııalap otyramyz», – delingen uıymdastyrýshylardyń habarlamasynda.

Ulttyq komıtettiń málimetinshe, baıqaý ulttyq kostıýmder kórsetilimimen ashylyp, fınaldyq kezeń 21 qarasha kúni ótedi.

Aıta ketsek, Dana Almasova bıyl «Miss Universe Kazakhstan» ataǵyn ıelengen. Ol Qostanaı qalasynyń týmasy, jasy – 20-da. Qazaqstandyqtar jas arýdyń álemdik sahnada el namysyn laıyqty qorǵaıtynyna zor úmit artyp otyr.

Buǵan deıin Tomırıs Qadyrhan elimizdi «Miss Grand International – 2025» baıqaýynda tanystyrǵan bolatyn.