Qostanaı–Kókshetaý trassasynda qozǵalys tolyq qalpyna keltirildi
ASTANA. KAZINFORM - Qostanaı–Kókshetaý baǵytyndaǵy KAZ-03 respýblıkalyq avtojolynyń Sevastopol kenti mańynda ornalasqan ýchaskede Vıshnevoe kólinen kelgen muz massalarynyń saldaryn joıý jumystary tolyq aıaqtaldy, dep habarlaıdy QazAvtoJol.
Eske sala keteıik, 15 sáýir kúni qatty soqqan jel saldarynan kóldegi muz qabattary joldyń júris bóligine yǵysyp, kólik qozǵalysyn ýaqytsha qıyndatqan bolatyn. Jol qyzmetteri oqıǵa ornyna jedel jetip, arnaıy tehnıkany jumyldyra otyryp, tazartý jumystaryn uıymdastyrdy.
-Az ýaqytta jol jamylǵysyndaǵy muz qaldyqtary tolyqtaı tazartyldy. Qazirgi tańda atalǵan ýchaskede kólik qozǵalysy tolyq qalpyna keltirilip, avtokólikter shtattyq rejımde erkin qatynap jatyr,-delingen habarlamada.
Osyǵan deıin Qostanaı oblysynda qar erýine baılanysty qalyptasqan jaǵdaı týraly jazyq.
