Qostanaıǵa ókpeni jasandy jeldetýdiń 200 apparaty jetkizilmek
NUR-SULTAN. QazAqparat – Qostanaı oblysyna otandyq óndiristen shyǵarylǵan ókpeni jasandy jeldetýdiń 200 apparaty jetkiziledi, dep habarlaıdy QazAqparat tilshisi.
«Búgingi kúni Qostanaı oblysy medıtsınalyq uıymdarynyń balansynda jumys istep turǵan 247 ókpeni jasandy jeldetý apparaty bar. Onyń ishinde osy jyly medıtsınalyq uıymdarǵa 58 ókpeni jasandy jeldetý apparaty satyp alynyp, jetkizildi. Budan basqa, otandyq óndiristiń taǵy 200 ókpeni jasandy jeldetý apparatyn jetkizý josparlanyp otyr. Sondaı-aq medıtsınalyq uıymdarǵa bıýdjetten tys qarajat esebinen AQSh, Túrkııa, Qytaı, Reseı óndirisiniń 400-ge jýyq kontsentraty ákelinedi. Onyń 250-i jetkizildi», - dedi Qostanaı oblysynyń ákimi Arhımed Muhambetov Úkimet otyrysynda.
Onyń aıtýynsha jergilikti bıýdjetten 4 iri provızorlyq jáne ınfektsııalyq statsıonarlarda – oblystyq, Qostanaı jáne Rýdnyı qalalyq aýrýhanalarynda, Tobyl qalasyndaǵy oblystyq týberkýlezge qarsy dıspanserinde 856 ottegi núktesine ottegi jelisin júrgizýge qarajat bólingen.
