Qostanaıǵa Mysyrdan PTR anyqtamasyz 11 adam ushyp keldi
QOSTANAI. QazAqparat – Qostanaıǵa Mysyrdan PTR anyqtamasyz birneshe adam ushyp keldi, dep habarlaıdy QazAqparat oblystyq sanepıdbaqylaý basqarmasynyń baspasóz qyzmetine silteme jasap.
Búgin Qostanaıdyń halyqaralyq áýejaıyna Egıpettiń Sharm El Sheıh qalasynan reıs qondy. Bortta 239 jolaýshy, 6 ekıpaj múshesi bolǵan.
«Oblys ortalyǵynyń sanepıdbaqylaý basqarmasy Qostanaı qalasynyń sanıtarlyq-karantındik beketiniń mamanymen birlesip, halyqaralyq avıareısti kútip alýǵa bardy. Jolaýshylarǵa termometrııa, saýalnama júrgizildi, PTR-test anyqtamasynyń bar-joǵy tekserildi. 11 jolaýshyda PTR anyqtamasy bolmady», - delingen vedomstvonyń habarlamasynda.
Qazir ushaq jolaýshylary PTR taldaý ádisimen COVID-19-ǵa zerthanalyq tekserý úshin Tobyl qalasynyń karantın gospıtaline ornalastyryldy.
