Qostanaıdyń jol polıtsııa qyzmetkerleri órt kezinde bir otbasyny aman alyp qaldy
QOSTANAI. 11 qyrkúıek. QazAqparat - 11 qyrkúıekke qaraǵan túni Qostanaı oblysy ІІD jol polıtsııasy batalonynyń qyzmetkerleri órt kezinde bir otbasyny ajaldan qutqaryp qaldy.
Jol polıtsııasy avtopatrýliniń qyzmetkerleri jekemenshik sektordan qara tútinniń shyǵyp jatqanyn kórgen. Gagarın kóshesi boıynda ornalasqan úılerdiń birindegi monsha otqa oranǵan eken. Polıtsııa qyzmetkerleri qapersiz uıyqtap jatqan úıdiń ıelerin oıatqan.
Úıdiń ıesi órtti sóndirmek bolǵanymen, órt tuıyqtalmady. Oǵan qosa qurylystyń shatyry opyrylyp qulap ketti. Polıtseıler qutqarýshylardy shaqyrǵan. Órt sóndirý qyzmetiniń kúshimen jalyn eki saǵattan keıin sóndirildi.
