«Tobyl» Qazaqstan quramasynyń shabýylshysy Oralhan Ómirtaevpen eńbek kelisimin jasasty.

Oralhan Ómirtaev – Qaraǵandy fýtbol mektebiniń tárbıelenýshisi. «Shahterdiń» quramynda shabýylshy 2015 jyly debıýtin ótkizdi. Ótken birneshe jyl ishinde kenshiler jeıdesinde 70 matchta alańǵa shyǵyp, 8 gol soqty. Qazaqstan ulttyq quramasynyń sapynda eki match oınap,eki goldyń avtory atanǵan.

«Aqtóbeniń» jartylaı qorǵaýshysy Aslanbek Kákimov te Qostanaıǵa keldi. «Tobyl» saıtyna súıensek, Aslanbek fýtbol mansabyn Aqtóbede bastady. Premer-Lıgada 2016 jyldan bastap óner kórsetedi. Ótken maýsymda Aslanbek Kákimov 12 nátıjeli upaı jınap, «gol+pas» júıesi boıynsha «Aqtóbedegi» kóshbasshylardyń biri boldy.

Qostanaılyq klýb taǵy bir Qazaqstan quramasynyń qorǵaýshysy Aleksandr Marochkınmen eńbek kelisimine otyrdy. Aleksandr mansabyn Almaty oblysynyń «Іle-Sáýlet» klýbynda bastaǵan. Keıin Aqtaýdyń «Kaspıı» komandasynyń quramynda óner kórsetti.

Ol byltyr qyzylordalyq «Qaısar» sapynda óner kórsetip, Qazaqstan Kýbogynyń ıegeri atandy.