Qostanaıdyń «Tobyly» sheteldik eki fýtbolshymen eńbek shartyn úzdi
QOSTANAI.QazAqparat – «Tobyl» fýtbol klýby sheteldik eki legıonermen kelisimshartty toqtatty, dep habarlaıdy QazAqparat klýbtyń resmı saıtyna silteme jasap.
Eýropadaǵy daryndy jas fýtbolshylardyń biri sanalatyn Lýka Zarandııa Qostanaıǵa jańa maýsymnyń basynda kelgen bolatyn. Endi grýzııalyq jartylaı qorǵaýshyny jalǵa alý kelisiminiń merzimi aıaqtaldy. Qostanaı klýbynyń quramynda Lýka Zarandııa eki match ótkizip, bir goldyń avtory atandy.
«Tobyl» fýtbol klýbynyń basshylyǵy men qorǵaýshy Stıven Eze ózara kelisim boıynsha eńbek shartyn buzdy. Nıgerııa oıynshysy qostanaılyqtarǵa maýsym aldyndaǵy jıyndarda qosyldy. Baqylaý kezdesýleriniń birinde alǵan jaraqatyna baılanysty Stıven «Tobyl» jeıdesinde resmı match ótkizbedi. Maýsym aıynyń sońynda Eze Túrkııada ota jasatty, qazirgi ýaqytta qalpyna keltirý jumystary jalǵasýda», - delingen «Tobyldyń» resmı saıtyndaǵy aqparatta.
