Qostanaıdyń «Tobyly» chehııalyq klýbty utty
QOSTANAI. QazAqparat - Túrkııada oqý-jattyǵý jıyndarynda júrgen «Tobyl» chehııalyq «Trshınets» klýbymen joldastyq kezdesý ótkizdi, dep habarlaıdy QazAqparat.
«Tobyldyń» bas bapkeri Vladımır Nıkıtenko bul joly negizgi quramǵa klýbqa jańadan qosylǵan fýtbolshylardy qoıdy. Birinshi taımda Almatynyń «Qaıratynan» aýysyp kelgen Baýyrjan Turysbek esep ashty. Munan soń «Trshınets» shabýylshysy tarazy basyn teńestirdi.
Oıynnyń ekinshi bóliginde alańǵa shyqqan Jasulan Moldaqaraev komandasyn alǵa shyǵardy. Jasulan qaqpashymen betpe-bet shyǵyp, dopty alys buryshqa tepti. Sonymen qatar, synaqta júrgen jas fýtbolshy «Tobyldyń» úshinshi golyn soqty. Onyń gol soǵýyna Artýras Jýlpa múmkindik jasady.
«Tobyl» klýbynyń baspasóz hatshysy Konstantın Doljanskıı QazAqparatqa málim etkendeı, osy kezdesýden soń qostanaılyqtar Túrkııadaǵy oqý-jattyǵý jıyndaryn aıaqtaıdy.
