Qostanaıdyń "Tobyl" fýtbol klýby 11 qańtarda Fınlıandııa chempıonaty quramasy oıynshylarymen kezdesedi

Qostanaılyq aıaqdopshylardyń bas bapkeri ýkraınalyq Vıacheslav Groznyı sheteldegi alǵashqy  oqý-jattyǵý jıynyn 4 qańtarda bastaǵan bolatyn. Ol 25 qańtarǵa deıin sozylmaq. "Tobyl" Qazaqstan chempıonatyndaǵy Premer-lıgada byltyr 12 komandanyń arasynan   7-oryn alǵan. Olar ekinshi joldastyq kezdesýin 16 qańtarda Novosibirdiń "Sibir" komandasymen ótkizýdi josparlap otyr. Buǵan deıin Túrkııada oqý-jattyǵý jıynyn ótkizip jatqan «Astana» fýtbol klýby da 16 qańtarda Reseıdiń «Sibir» klýbymen joldastyq kezdesý ótkizetinin habarlaǵan bolatyn. Sol sebepti qostanaılyqtar onyń ýaqytyn basqa kúnge ózgertýi múmkin. Ony komandanyń baspasóz qyzmeti de aldyn ala eskertip otyr.  Reseıdiń Ulttyq  fýtbol lıgasynda alǵashqy 2 aınalymnyń qorytyndysy boıynsha 5-orynda kele jatqan  novosibirlikterdi shotlandııalyq Aleks Mıller jattyqtyrady. «Sibir» komandasynyń Túrkııanyń Sıde qalasyndaǵy oqý-jattyǵý jıyny 4-17 qańtar kúnderi ótpek.