Qostanaıdyń ortalyǵynda bolǵan tóbelestiń qatysýshylary kóshede ornatylǵan beınekameralar arqyly ustaldy
QOSTANAI. 24 shilde. QazAqparat - Qostanaı qalasynda beınekamera arqyly qylmystyń beti ashyldy: jedel basqarý ortalyǵynyń polıtsııa ınspektorlary qatigez tóbelestiń faktisin anyqtady.
Bul tóbeles oqıǵasy keshe Qostanaıdyń ortalyǵynda ornasqan «Mart» saýda ortalyǵynyń aýmaǵynda boldy. Oǵan shamamen 10 adam qatysty. Beınekamera jerde jatqan jas jigitti bir top qyz-jigitter qatigezdikpen uryp jatqandyǵyn túsirip alǵan.
Oqıǵa ornyna polıtsııa narıady jiberildi. Anyqtalǵandaı, dámhanada 26 jasar jigitterdiń arasynda kelispeýshilik ornaǵan. Olar oqıǵanyń mán-jaıyn «anyqtaý» maqsatynda dalaǵa shyqqan. Daý-damaıdyń basynda bolǵan tóbelesqorlardyń biri bótelkeni syndyryp tastap, jábirlenýshi jas jigittiń betin tilip jibergen.
Qalalyq aýrýhananyń qabyldaý bólmesine tóbelestiń eki qatysýshysy - bireýi betiniń kesilýimen, ekinshisi keýde tusyndaǵy kesilgen jaraqpen, sondaı-aq taǵy da bir tóbelestiń qatysýshysy eńbeginiń jaraqattanýmen, bas-súıek mı zaqymy jáne mıdiń shaıqalý belgisimen jetkizilgen. Tekserý amaldary júrgizilýde.
6 aı ishinde beınebaqylaý kameralary arqyly 13 274 quqyqbuzýshylyq jáne qylmystyń quramy bar 34 fakti anyqtaldy.
