Qostanaıdyń medıtsınalyq uıymdary 300 jas mamanmen tolyǵady
QOSTANAI. QazAqparat – 2020 jyly Qostanaı oblysynyń medıtsınalyq uıymdaryna medıtsınalyq kolledjderdiń 300 túlegi jumysqa qabyldanady, dep habarlaıdy QazAqparat Qostanaı oblysy taýarlar men qyzmetterdiń sapasy men qaýipsizdigin baqylaý departamentiniń baspasóz qyzmetine silteme jasap.
Medıtsına kolledjin aıaqtaıtyn 300 jas mamannyń kóbi – medbıkeler, akýsherler men feldsherler. Olar Qostanaı joǵary medıtsınalyq kolledji men Arqalyq medıtsınalyq kolledjin bitirdi. Jas mamandarǵa jumysqa ornalasý úshin klınıkalyq praktıkaǵa ruqsat beretin sertıfıkat alý qajet. Bul qujatty endi onlaın júıede alýǵa bolady.
«Memlekettik qyzmetterdi sapaly kórsetýdi qamtamasyz etý maqsatynda túlekter úshin elektrondyq ótinim berý boıynsha ádistemelik usynymdar ázirlendi. Sertıfıkat alǵash ret qashyqtan beriledi. Ádistemeni taýarlar men qyzmetterdiń sapasy men qaýipsizdigin baqylaý departamentiniń mamandary jasady. Pandemııa kezindegi karantındik sharalarǵa baılanysty oblystyń qalalary men aýdandary boıynsha kóshpeli semınarlar toqtatyldy. Alaıda, memlekettik qyzmet kórsetý sapasyn úılestirý bóliminiń qyzmeti úzilissiz jumys istep turdy», - delingen departamenttiń baspasóz habarlamasynda.
