Qostanaıdyń iri sýpermarketterinde qant lımıtpen satylyp jatyr

QOSTANAI. QazAqparat – Qostanaı qalasynyń iri sýpermarketterinde qant lımıtpen satylyp jatyr, dep habarlaıdy QazAqparat tilshisi.

«Turaqtandyrý qorynan satylymǵa kúndelikti 5 tonna qant jiberiledi. Halyqqa qant saýda jelilerinde 480 teńgeden satylýda. Al qalanyń iri sýpermarketterinde qant lımıtpen satylady. Atap aıtqanda, beliglengen ýaqyt boıynsha jáne 1 adamǵa 1 keliden artyq qant satylmaıdy.

Oblystaǵy iri negizgi qant jetkizýshiler – «KostExport» JShS, «Bas torgovlıa 21» JShS, «Lısvan» JShS», - dep málim etti oblys ákimdiginiń Kásipkerlik jáne aýyl sharýashylyǵy bóliminiń baspasóz qyzmeti .

Quzyrly organ dereginshe, Qostanaıda qant tapshylyǵy joq. Aıta keteıik, Qostanaı qalasynyń jyldyq qant qajettiligi 4,3 myń tonna.