Qostanaıdyń iri saýda ortalyǵyn «mınalaýshy» ustaldy
QOSTANAI. QazAqparat - Polıtsııa keshe keshke Qostanaı saýda ortalyǵyna qoıylǵan bomba jaıly habar bergen er adamdy ustady. Bul týraly «QazAqparat» HAA tilshisi Qostanaı oblysy ІІD baspasóz qyzmetine silteme jasap habarlaıdy.
«Polıtsııa «Mart» saýda ortalyǵyna bomba qoıyldy dep habar bergen 26 jastaǵy kúdiktini ustady», - delingen mekemeniń baspasóz baıanynda. - Qazirgi ýaqytta atalǵan fakt boıynsha sotqa deıingi tergeý jumystary júrgizilýde, qajetti saraptamalar taǵaıyndaldy».
29 qańtar kúni túnde Qostanaı qalalyq ІІB Jedel basqarý ortalyǵynyń «102» pýltine «Mart» saýda-oıyn-saýyq ortalyǵy ǵımaratyna bomba qoıylǵany týraly habar kelip tústi. Oqıǵa ornyn polıtsııanyń jedel-tergeý toby shuǵyl qorshady. Kelýshiler bolmaǵandyqtan, saýda ortalyǵynan eshkim evakýatsııalanǵan joq. Tekserý barysynda jarylǵysh zat tabylmady.
Lańkestik aktisi jaıly jalǵan habar bergen 26 jastaǵy kúdikti birden ustaldy. Ol alkogoldi ishimdikke mas bolǵan. QR QK 273-babyna sáıkes («Terrorızm aktisi týraly kórineý jalǵan habarlaý») 6 jylǵa deıin bas bostandyǵynan aıyrý jazasy kózdelgen.
