Qostanaıdyń eń sulý arýy anyqtaldy
QOSTANAI.QazAqparat - Qostanaı qalasynda «Qostanaı arýy-2017» baıqaýy óz máresine jetti, dep habarlaıdy QazAqparat tilshisi.
Negizi qarasha aıyndaǵy qaralymda 45 arý iriktelgen. Olar baıqaý barysynda qurylǵan «Model mektebinen» dáris alyp, úzdikteri sheshýshi kezeńge joldama aldy. Sóıtip, Qostanaıdyń eń sulýy 18 qatysýshynyń arasynan anyqtaldy.
Bıyl baıqaý talaptary da ózgerdi. Qyzdardyń jasy 17-den kem emes jáne boıy 169 santımetrden asýy tıis boldy.
Sonymen, «Qostanaı arýy-2017» ataǵyn 18 jastaǵy Zarına Toqtybaeva jeńip aldy. Onyń boıy - 173 sm.
«Árıne, sheshýshi kezeńde biraz qobaljydym. Rasymdy aıtsam, men jeńemin dep te oılamadym. Kileń sulýlar qatysyp otyrǵan baıqaýdyń úzdik bestigine ensem de shúkir der edim. Degenmen, sáttilik joldas boldy. Men - Qostanaı oblysynyń birinshi arýymyn», - dedi Toqtybaeva óz suhbatynda.
I-vıtse-mıss bolyp 16 jasar Tomırıs Kósheǵulova tanyldy. Úzdik arýlar qataryn 19 jastaǵy Saǵynysh Nurysheva qorytyndylady.
Endi Zarına Toqtybaeva oblys namysyn Astanada ótetin respýblıkalyq baıqaýda qorǵaıtyn bolady.
