Qostanaıdyń emdeý mekemesi quramynda esirtkisi bar dárilerdi saqtaǵan
Oblystyq polıtsııa departamenti baspasóz qyzmetiniń málimetinshe, Qostanaı qalasynda jedel-izdestirý is-sharalaryn júrgizý kezinde buryn esirtki zattarynyń zańsyz aınalymy úshin sottalǵan 56 jastaǵy er adam ustaldy. Odan jalpy salmaǵy 8 gramǵa jýyq 31 geroın tárkilendi. Kúdiktige qatysty QR QK-niń 296-babynyń 4-bóligi «Esirtki zattardy asa iri mólsherde zańsyz saqtaý» boıynsha sotqa deıingi tergeý júrgizilýde. Kúdiktige qatysty bultartpaý sharasy qodlanylyp, qamaýǵa alyndy.
«Oblys ortalyǵynda polıtseıler buryn osyndaı qylmysy úshin sottalǵan Rýdnyı qalasynyń turǵyny 40 jastaǵy áıeldi ustady. Esirtki bıznesine qarsy is-qımyl basqarmasynyń qyzmetkerleri 5 emdeý-aldyn alý mekemelerin, esirtki quraldarynyń, psıhotroptyq zattar men prekýrsorlardyń aınalymyn júzege asyratyn 2 dárihanany tekserdi. Qostanaı qalasynyń emdeý-aldyn alý mekemeleriniń biri quramynda esirtki zattary bar dárilik preparattardy saqtaǵan. Atalǵan fakti boıynsha QR QK 303-baby boıynsha sotqa deıingi tergeý júrgizilýde», - delingen polıtsııanyń aqparatynda.
Jyl basynan beri Qostanaı polıtseıleri zańsyz aınalymnan bir tonna 25 keli esirtki zattaryn, onyń ishinde 3 keliden astam geroın, 75 kg marıhýana, 200 gramm gashısh, 7 gramm jańa sıntetıkalyq esirtki tárkilengen.