Qostanaıdyń burynǵy sheneýnigine 24,5 mln teńge aıyppul salyndy
ASTANA. QazAqparat - Qostanaı soty «Qostanaı oblystyq ákimdiginiń Tabıǵı resýrstar jáne tabıǵatty paıdalanýdy retteý basqarmasy» MM-niń burynǵy basshysyn para aldy dep aıyptap, 24 500 000 mln teńge kóleminde aıyppul belgiledi, dep habar beredi «QazAqparat» HAA Qostanaı oblystyq sotynyń baspasóz qyzmetine silteme jasap.
Qostanaıdyń №2 soty 1967 jyly týǵan Ámirhan Maýqulovqa qatysty QR QK 366-baby, 3-bóligine sáıkes qylmystyq is boıynsha úkim jarııalady.
Eske sala keteıik, Ámirhan Maýqulov «Araqaraǵaı orman sharýashylyǵy mekemesi» MKM dırektory Sh.-men suhbat barysynda odan para talap etkeni anyqtalǵan bolatyn. Qostanaı oblystyq Sybaılas jemqorlyqqa qarsy qyzmetiniń qyzmetkerleri tarapynan ustalǵan ony sot aıypty dep tanyǵan.
