Qostanaıdyń burynǵy ákimi qonystaný kolonııasyna aýystyryldy
QOSTANAI. QazAqparat - Qostanaı qalasynyń eks-ákimi Ahmedbek Ahmetjanov Shyǵys Qazaqstan oblysynyń qylmystyq-atqarý júıesi mekemesinen Qostanaı oblysyndaǵy qonystaný kolonııasyna aýystyryldy. Bul týraly QazAqparat tilshisine Qostanaı oblystyq Qylmystyq atqarý júıesi departamentiniń baspasóz qyzmetinen málim etti.
Belgili bolǵandaı, Qostanaı oblysynyń ákimi 18 maýsym kúni kóshirilgen.
«Eger 3 aıdyń kóleminde sottalýshy Ahmetjanovtyń tártibi túzý bolsa, arnaıy komıssııa oǵan tártip túriniń 1-inshi oń deńgeıin beredi. Olaı bolǵan jaǵdaıda demalys kúnderi saǵat 9.00-den 18.00-ge deıin úıine bara alady. Alaıda túneý úshin qonystaný kolonııasyna qaıtyp kelýi tıis», - dedi QAJD ókilderi.
Eske salaıyq, Ahmetjanov 2015 jyldyń 8 qyrkúıeginde ákim laýazymynan bosatyldy. Ol sol kúni QR QK-niń 307-baby 4-bóligi (qyzmet laýazymyn asyra paıdalaný) boıynsha kúdikti dep tanylyp, ony oblystyń jemqorlyqqa qarsy is-qımyl qyzmetiniń mamandary ustady. 2016 jyldyń sáýir aıynda Qostanaıdyń burynǵy ákimi 13 jylǵa bas bostandyǵynan aıyryldy. Alaıda keıin Joǵarǵy sot jaza merzimin 13 jyldan 6 jylǵa qysqartty.
2018 jyldyń mamyr aıynda A.Ahmetjanov Qostanaı oblysyndaǵy qonystaný kolonııasyna kóshiriletini belgili boldy.
