Qostanaıdyń búkil qalalarynda polıtsııa shaqyratyn dabyl batyrmasy ornatylady

QOSTANAI. QazAqparat – Dabyl batyrmasy Jitiqara qalasynda ornatylyp, tabysty qyzmet atqaryp tur. Aldaǵy ýaqytta mundaı batyrmalar Qostanaı, Arqalyq jáne Lısakov qalalarynda ornatylady, dep habarlaıdy QazAqparat.

Qostanaı oblysy polıtsııa departamenti bastyǵynyń keńesshisi Elena Kasharınanyń baıandaýynsha, mundaı sos-batyrmalar qylmystardy jedel eleý úshin ornatylýda.

Alǵashqy batyrma ázirge Jitiqarada ǵana bar, biraq onyń jumysy belgili bir nátıje kórsetip jatyr.

«Dabyl batyrmasynyń qyzmeti nátıjesin kórsetýde. Qala ortalyǵynda bes ákimshilik quqyqbuzýshylyq – tynyshtyqty buzý, spırttik ishimdikter ishý, usaq buzaqylyq faktileri boldyrylmady», - dep málimdedi E.Qasharına.

Jitiqarada dabyl batyrmasy qala ortalyǵynda – shaǵyn bazar aýmaǵynda ornatylǵan.

Oryndy Jitiqara aýdandyq ákimdigi polıtsııa bólimimen birge anyqtaǵan.

Dabyl batyrmasyn basqanda, quqyq buzýshylyq týraly habarlap nemese kómek shaqyrtýǵa bolady.

E.Kasharınanyń aıtýynsha, bolashaqta mundaı batyrmalar búkil oblysta, birinshi kezekte – Qostanaı, Arqalyq, Lısakovta, odan keıin aýdan ortalyqtarynda ornatylmaq.

Sondaı-aq mundaı batyrmalar Nur-Sultan qalasynda da ornatylǵanyn aıta ketý kerek.