Qostanaıdyń basty shyrshasy 16 jeltoqsanda jaǵylady
QOSTANAI. QazAqparat - Oblys ortalyǵy - Qostanaı qalasynda bıiktigi 22 metrlik shyrsha ornatylady. Bul týraly Qostanaı qalasy ákimdiginde ótken jıynda aıtyldy, dep habarlaıdy QazAqparat tilshisi.
Qostanaı qalasy ákimdiginiń mádenıet jáne tilderdi damytý bóliminiń basshysy Qarlyǵash Madııarovanyń aıtýynsha, basty shyrsha 600 jaryqdıodty pıkseldermen bezendiriledi.
«16 jeltoqsanda saǵat 12:00-de oblystyq ákimshilik aldynda kontserttik baǵdarlama ótedi. Osy kúni keshke basty shyrsha jaǵylady. Buǵan qosa, Gashek kóshesi men KSK shaǵyn aýdanynda taǵy eki shyrsha ornatylady. Tobyl ózeniniń jaǵalaýynda syrǵanaq turǵyzylyp, ortalyqta muz qalashyǵy boı kóteredi», - dedi bólim basshysy.
Jalpy, qalany Jańa jyl merekesine oraı bezendirýge 18 mln teńge bólindi. Daıyndyq jumystary 1 jeltoqsanda bastalady.
