Qostanaıdyń basty kóshesi Nazarbaev esimimen atalatyn boldy

QOSTANAI. QazAqparat - Qostanaı qalasyndaǵy Abaı dańǵyly endi Nursultan Nazarbaev dańǵyly bolyp atalady. Bul týraly búgin Qostanaı qalalyq máslıhatynyń kezekten tys sessııasynda málim etildi, dep habarlaıdy QazAqparat tilshisi.

Qostanaı qalalyq máslıhatynyń hatshysy Baǵytbek Sándibekovtiń málimdemesine sáıkes, depýtattar Prezıdent Qasym-Jomart Toqaevtyń Qazaqstannyń Tuńǵysh Prezıdenti qurmetine oblys ortalyqtarynyń bas kóshelerin qaıta ataý týraly usynysyn qoldaý týraly bastama kóterdi.

Búgin Qostanaı qalalyq máslıhatynyń kezekten tys sessııasynda depýtattar oblys ortalyǵyndaǵy Abaı dańǵylyn Nursultan Nazarbaev dańǵylyna ózgertý jónindegi usynysty biraýyzdan qoldady.

Áleýmettik ǵylymdar doktory, Qostanaı oblysynyń Qurmetti azamaty, Jýrnalıster odaǵynyń oblystyq fılıalynyń tóraǵasy Sergeı Harchenkonyń aıtýynsha, Nursultan Nazarbaev - halqynyń aldynda sińirgen eńbegi úshin egemen Qazaqstannyń jylnamasyna kirýi qajet tarıhı tulǵa.

«Ol Keńes Odaǵy ydyraǵannan keıin de eldiń egemendgin saqtaı aldy, jańa ekonomıkalyq saıasat qura bastady, óndiristi damytýǵa basa nazar aýdardy. Óıtkeni mundaı qadamdar sol ýaqytta qıyn bolatyn, shyny kerek, kópshiligi jarqyn bolashaqqa senbedi. Al Elbasy bizge mundaı shattyqty kúndi syılady. Sondyqtan da onyń esimin oblys ortalyǵyndaǵy bas kóshege bergen durys sheshim», - dedi S.Harchenko agenttik tilshisine.

Aıta keteıik, Abaı kóshesi Qostanaı qalasyndaǵy basqa bir kóshege aýystyrylady. Naqty qaıda kóshiriletini qaralýda.

Foto: alau.kz