Qostanaıdyń bas sanıtar dárigeri turǵyn úılerdi qalaı dezınfektsııalaý kerektigin túsindirdi
«Turǵyn úı ıeleri óz kúshimen tazartý jumystaryn júrgizýi úshin dezınfektsııalaýshy zattardy alýy kerek. Bul rette tazalaý degenimiz – dezınfektsııalyq zattardyń kómegimen arnaıy óńdeýdi bildiredi. Óńdeý jumystaryn júrgizetin adam dymqyl shúberekpen baspaldaqtyń súıenishterin, terezelerdi tazartyp, edenin jýýy kerek. al eger belgili bir turǵyn úıden naýqas anyqtalǵan jaǵdaıda qaýlyǵa sáıkes sanıtarlyq-epıdemıologııalyq saraptama ortalyǵynyń qyzmetkerleri arnaıy qurylǵylarmen jáne preparatttarmen dezınfektsııa jumystaryn júrgizedi. Al eger sol turǵyn úıde koronavırýs juqtyrǵan adammen baılanysta bolǵan adam bolsa onda dezınfektsııalyq rejimdi engizýdiń qajeti joq», - dedi Vladımır Nechıtaılo aımaqtyq kommýnıkatsııalyq qyzmetinde ótken baspasóz máslıhatynda.
Aıta ketsek buǵan deıin Qostanaı qalasy ákiminiń orynbasary Rústem Karkenov búgin saǵat túngi onnan bastap qaladaǵy úsh blokbeket jumysyn bastaıtynyn málim etken edi.
Foto: alau.kz