Qostanaıdyń bas polıtseıi halyqpen áleýmettik jeli arqyly tildesedi
QOSTANAI. QazAqparat - Qostanaı oblysy polıtsııa departamentiniń bastyǵy Beket Aımaǵambetov Feısbýkten paraqsha ashty, dep habarlaıdy QazAqparat tilshisi.
«Qymbatty dostar! Men Feısbýk áleýmettik jelisinen ózimniń jeke paraqshamdy ashtym. Bul - sizdermen keri baılanys ornatýdyń birden-bir joly dep bilemin. Barlyq saýaldar men ótinishterdi jeke qarap, sheshim qabyldaıtyn bolamyn. Dál osyndaı tikeleı baılanys arqyly polıtsııa jumysy ashyq ári jandana túsetini sózsiz», - dep jazdy general jeke paraqshasynda.
Sondaı-aq, Beket Aımaǵambetov óziniń kúndelikti jumysy jaıynda jáne mańyzdy oqıǵalarǵa qatysty jeke pikirin bildirip otyratynyn jetkizdi. Ol jurtshylyqty ashyq áńgime alańyna shaqyrdy.
