Qostanaıdyń sottalǵan eks-ákimine tıesili meıramhana 91,4 mln teńgege satyldy
QOSTANAI. KAZINFORM — «Altyn-Saf» dep atalǵan burynǵy meıramhana kesheni aýktsıonǵa qoıylyp, tek úshinshi ret ótkizilgen saýdada ǵana satyldy, dep habarlaıdy Kazinform tilshisi.
Qostanaı oblysy ákimdiginiń qarjy basqarmasy habarlaǵandaı, «Altyn Saf» meıramhanasy aýktsıonǵa Qostanaı oblysy ákimdiginiń kásipkerlik jáne ındýstrııalyq-ınnovatsııalyq damý basqarmasynyń usynysy jáne oblys ákimdiginiń qaýlysy negizinde qoıylǵan.
Bastapqy baǵasy — 256,6 mln teńge bolǵan.
Ǵımarattyń jalpy aýmaǵy 1558,4 sharshy metr, ol «Ekaterınbýrg–Almaty» tas jolynyń 550-shaqyrymynda ornalasqan.
— Birinshi jáne ekinshi tenderge qatysýshylar bolmaǵandyqtan, olar ótkizilmegen dep tanyldy. Úshinshi tender 2025 jyldyń 22 tamyzynda ótip, osy ǵımarat 91,4 mln teńgege satyldy, — dep málimdedi vedomstvo.
Eske sala keteıik, Qostanaı qalasynyń burynǵy ákimi Ahmetbek Ahmetjanov 13 jylǵa bas bostandyǵynan aıyrylǵan bolatyn. Aıyptaý qorytyndysyna sáıkes, Ahmetjanov 2014 jyldyń maýsym aıynan qyrkúıekke deıin birneshe adammen sóz baılasyp, iri kólemde para alǵan.
Sondaı-aq, buǵan deıin eks-ákimnen tárkilengen meıramhana ǵımaratynda Tsıfrlyq HQKO (TsON) ashylǵany habarlanǵan.