Qostanaıdan Túrkııaǵa bet alǵan ushaq áýejaıda janarmaı quıa almaı Aqtaýǵa qondy

QOSTANAI. QazAqparat - «Qostanaı-Antalııa» baǵytyndaǵy reıs janarmaı quıý kezindegi tehnıkalyq aqaýlarǵa baılanysty usha almady, dep habarlaıdy QazAqparat tilshisi.

Jolaýshylar kóligi jáne avtomobıl joldary basqarmasy jaǵdaıǵa qatysty túsinikteme berdi.

«Bıyl 12 shildede «SCAT» avıakompanııasynyń ushaǵy oryndaýy tıis Qostanaı-Antalııa baǵytyndaǵy № 5280 reısiniń ushýyna daıyndyq kezinde áýe kemesine janarmaı quıý rásimi toqtatyldy», - dep habarlady vedomstvodan.

Vedomstvonyń habarlaýynsha, bir saǵat ishinde ushaqty toqtatýǵa negiz bolǵan sebepter joıyldy. Biraq avıakompanııa áýe kemesine basqa áýejaıdan janarmaı quıý týraly sheshim qabyldady.

Reıs jolaýshylaryna silteme jasaǵan jergilikti pablıkteridiń habarlaýynsha, keme janarmaı quıý úshin Aqtaýǵa qonǵan.

Foto: www.delfi.lt