Qostanaıdaǵy jol apatynan júrgizýshi kóz jumyp, eki adam aýrýhanaǵa tústi

QOSTANAI. QazAqparat - Qostanaı oblysynda bolǵan jol-kólik oqıǵasy deregine qatysty polıtsııa sotqa deıingi tergeýdi bastady, dep habarlaıdy QazAqparat ІІM-ne silteme jasap.

Jol apaty Qostanaı-Áýlıekól-Surǵan tas jolynyń 190-shaqyrymynda bolǵan. QR QK-niń 345-babynda kózdelgen «Jol qozǵalysy erejelerin buzý» boıynsha sotqa deıingi tergeý bastaldy.

«VAZ avtokóliginiń júrgizýshisi rólge ıe bola almaı, joldyń qarsy baǵytyna shyǵyp ketken. Saldarynan 30 jastaǵy VAZ júrgizýshisi sol jerde qaıtys boldy. Eki jolaýshy aýrýhanaǵa jatqyzyldy.

Oqıǵa ornynda jedel tergeý toby jumys istep jatyr», - dep jazdy vedomstvodan.