Qostanaıdaǵy jol apatyna polıtseıler kináli emes - ІІD
QOSTANAI. QazAqparat - Oblystyq ІІD baspasóz qyzmeti jol apatyna ushyraǵan polıtseılerge qatysty málimdeme jasady, dep habarlaıdy QazAqparat.
Buǵan deıin habarlaǵanymyzdaı, búgin 13:00 shamasynda Qostanaıda polıtseıler jol-kólik oqıǵasyna tap bolǵan edi.
Oblystyq ІІD baspasóz qyzmeti atalǵan jol apatynyń sebepterin anyqtady.
«Oqıǵaǵa 24 jastaǵy «VAZ-2114» avtokóliginiń júrgizýshisi kináli. Ol Naberejnaıa kóshesinde ekinshi dárejeli jolda kele jatyp, Ál-Farabı kóshesindegi basty joldaǵy polıtsııanyń patrýldik mashınasyna jol bermegen. Apatqa baılanysty «Jol qozǵalysy erejeleriniń buzylýy» jáne «Júrgizýshiniń saqtandyrý polıýsiniń bolmaýy» baptary boıynsha ákimshilik hattama toltyryldy», - dedi ІІD baspasóz qyzmetindegiler.
Eki júrgizýshi de ishimdik ishpegen. Al ekıpaj qyzmet babymen júrgen.
