Qostanaıdaǵy jol apaty: Sábıdiń qolyna ampýtatsııa jasaldy
QOSTANAI. QazAqparat - «Arqalyq - Torǵaı» tasjolyndaǵy jol apaty saldarynan 2017 jyly týǵan sábı zardap shekti, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmeti málimdegendeı, jeńil avtokólik Arqalyq-Torǵaı baǵytynda kele jatqan. Júrgizýshi rólge ıe bola almaı, kólik jol jıegine aýdarylyp ketken.
«Jol-kólik oqıǵasynan bir jarym jasar qyz bala zardap shekti. Onyń oń qolyna shyntaq býyny deńgeıinde ampýtatsııa júrgizildi. Balanyń jaǵdaıy birqalypty» - deıdi vedomstvonyń baspasóz qyzmetindegiler.
Qazir sábı oblystyq balalar aýrýhanasynda em qabyldap jatyr. Qasynda anasy bar.
