Qostanaıdaǵy ýnıversıtetke akademık Sultanǵazınniń esimi berilmek
QOSTANAI. QazAqparat - Qostanaı memlekettik pedagogıkalyq ýnıversıtetine akademık Ómirzaq Sultanǵazınnyń esimi beriledi. Bul týraly agenttik tilshisine oqý ornynyń rektory Erkin Ábil málim etti, dep habarlaıdy QazAqparat.
Aldymen aıta keteıik, bıyl naýryz aıynda Qostanaı memlekettik pedagogıkalyq ınstıtýty ýnıversıtet mártebesin alǵan bolatyn.
Sonymen qatar, Qostanaı memlekettik pedagogıkalyq ýnıversıtetine akademık Ómirzaq Sultanǵazınniń esimin berý týraly másele el ishinde jıi kóterilip júrgen edi.
«Bul usynys osydan úsh jyl buryn aıtyldy. Bastamashyl top tıisti organǵa hat jazdy. Endi ýnıversıtet mártebesin alyp otyrǵan soń, osy máseleni ári qaraı taǵy kóterdik. Bizdiń tańdaýymyz akademık Ómirzaq Sultanǵazınge túsip otyr», - dedi Erkin Ábil.
Rektordyń sózinshe, bıyl aqyly bólimde oqıtyn stýdentter úshin oqý baǵasynda ózgeris bolmaıdy. Al ýnıversıtet ǵımarat ústindegi mańdaısha jazýynyń qazaq tilindegi nusqasyn latyn álipbıimen jasaýdy uıǵaryp otyr.
