Qostanaıdaǵy Túıemoınaq aýylyn sý basý qaýpi seıildi
Qardyń kúrt erýine baılanysty sý Qostanaı oblysynyń ońtústigindegi egistikterden keldi. Jangeldın aýdanyndaǵy Túıemoınaq aýyly sý basý aımaǵynda qaldy. Bul aýyldyń júzge jýyq turǵyny bar.
Qostanaı oblysy TJD tótenshe jaǵdaıdy joıý bóliminiń bastyǵy azamattyq qorǵaý podpolkovnıgi Ashat Kýşegýlov aýyldyń shetinde, oıpatta erigen qar sýy jınalyp, úsh aýla aýmaǵyn sý basý qaýpi týyndaǵanyn, olardyń biri turǵyn úı emes ekenin habarlady.
Jangeldın qutqarýshylary, jergilikti atqarýshy organdar men aýyl turǵyndary sý tasqynyn joıý úshin ÝAZ avtomashınasy men traktordy tarta otyryp, transheıalar qazyp, erigen qar sýyn motopompamen soryp shyǵardy.
Sý basý qaýpi kelesi kúnge deıin joıyldy. Birlesken kúsh jigerdiń arqasynda sýdy aýyldan jedel burýǵa múmkindik týdy
Naýryzdan bastap Qostanaı oblysy azamattyq qorǵaý memlekettik júıesiniń oblystyq aýmaqtyq kishi júıesi joǵary daıyndyq rejımine aýystyryldy. 25 naýryzdan bastap oblystyq, qalalyq jáne aýdandyq sý tasqynyna qarsy shtabtar qurylady.
Sý tasqyny jaǵdaıy kúrdelene qalsa, jalpy sany 2959 adam, 1078 tehnıka, 108 júzý quraly jáne 267 motopompasy bar azamattyq qorǵaý qyzmetteriniń kúshteri men quraldarynyń toptamasy daıyn.