Qostanaıdaǵy túrme basshysynyń orynbasary tanysyn zańsyz jumys qabyldaǵan
QOSTANAI. QazAqparat - Qostanaıdaǵy № 2 qalalyq sotynda qyzmetin asyra paıdalanǵan ÝK 161/2 jazasyn óteýshiler mekemesi bastyǵynyń orynbasary I.Karkavınaǵa qatysty sot otyrysy ótti, dep habarlaıdy QazAqparat.
Іs derekterinde kórsetilgendeı, 2015 jyly 20 sáýirde túrme bastyǵynyń jalpy suraqtar jónindegi orynbasary I.Karkavına birge turatyn adamyn qujat boıynsha jumysqa júrgizýshi retinde qabyldaǵan. Biraq, jumysqa qabyldanǵan «qyzmetker» bir ret te mekemege kelmegen. I.Karkavına mekemeniń tyldyq qamtamasyz etý bóliminiń ınspektoryna kúndelikti jumystardyń oryndalǵany týraly jýrnalǵa belgilep otyrýdy tapsyrady. Buǵan qosa ol jalǵan júrgizýshige jol paraqtary jáne benzın talondaryn bergizgen.
Osylaısha, bastyq orynbasarynyń tanysy 2 jyl boıy jazasyn óteýshiler mekemesinde «jumys» atqarǵan. Aıyptalýshy I.Karkavına osy ýaqyt aralyǵynda 2 440 lıtr janar-jaǵarmaı urlaǵan. Bul 280 myń teńgege teń. Sonymen qatar 2 jyl boıy 1,5 mln teńge tanysynyń jalaqysynan paıda tapqan.
Sot otyrysynda I.Karkavına óz kinásin tolyǵymen moıyndady protsessýaldyq kelisim jasaýǵa usynym jasady.
