Qostanaıdaǵy turǵyn úıdegi órt: dárigerler zardap shekkenderdiń jaǵdaıy týraly aıtty
QOSTANAI. QazAqparat - Qostanaı qalalyq aýrýhanasynyń dárigerleri Chehov kóshesiniń boıynda ornalasqan bes qabatty turǵyn úıde shyqqan órtten zardap shekkenderdiń jaǵdaıy týraly aıtty, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Qostanaı qalalyq aýrýhanasynyń reanımatology Pavel Ýkolov jansaqtaý bólimine alty naýqas, onyń ishinde ekeýi - kúıiktik shok belgilerimen, qalǵan tórteýi - ystan ýlanyp túskenin habarlady.
«Alǵashqy kómek kórsetilgennen keıin eki naýqas oblystyq aýrýhanaǵa aýystyryldy. Sebebi, qalalyq aýrýhanadaǵy jansaqtaý bóliminde jatqan naýqastar óte kóp. Bizdiń bólim tórt naýqasqa kómek kórsetip jatyr. Kúıiktik shok belgilerimen túsken naýqastardyń jaǵdaıy aýyr, olar em qabyldap jatyr. Al, ıis tıip túsken aýrýlar jaqsaryp keledi», - dep túsindirdi P.Ýkolov.
Eske salaıyq, keshe keshkisin Qostanaıdaǵy kóp qabatty úıde órt shyǵyp, 6 adam zardap shekken edi. Tizsiz jaýdan eki er adam mert boldy.
