Qostanaıdaǵy traktor men avtobýstyń soqtyǵysýy: oqıǵa sebepteri anyqtaldy
QOSTANAI. QazAqparat – Qostanaı oblysyndaǵy jolaýshylar avtobýsy men traktordyń soqtyǵysýyna qatysty tyń málimetter belgili boldy, dep habarlaıdy QazAqparat tilshisi.
Buǵan deıin habarlaǵanymyzdaı, Qostanaı oblysynda avtobýs pen traktor soqtyǵysyp, birneshe adam zardap shekken. Oblystyq polıtsııa departamenti baspasóz qyzmetiniń málimetinshe, jol-kólik oqıǵasyna jolaýshylar avtobýsynyń júrgizýshisi sebep bolǵan.
«49 jastaǵy júrgizýshi mingen «Nefaz» markaly avtobýs jol jıeginde turǵan «Belarýs» traktoryna soǵylǵan. Traktor tirkememen shóp ákele jatqan. Qazirgi ýaqytta qylmystyq istiń qosymsha mán-jaılaryn anyqtaýǵa baǵyttalǵan keshendi tergeý áreketteri júrgizilýde», — dedi vedomstvonyń baspasóz hatshysy Irına Bejenar agenttik tilshisine.
