Qostanaıdaǵy tasjolda úsh kólik soqtyǵysyp, eki adam kóz jumdy
QOSTANAI. QazAqparat – «Almaty-Ekaterınbýrg» tasjolyndaǵy jol-kólik oqıǵasynan 2 adam kóz jumyp, taǵy birneshe jábirlenýshi aýrýhanaǵa jetkizildi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Oqıǵa búgin saǵat 11:30 shamasynda Áýlıekól aýdanynda boldy.
«23 jastaǵy Nur-Sultan qalasynyń turǵyny mingen «Datsýn» kóligi joldan shyǵyp ketip, qarsy baǵyttaǵy «Honda» mashınasyna soqtyǵysqan. Odan ári «Gazel» avtokóligi «Datsýn» kóligin soqty. «Gazeldi» 26 jastaǵy Qostanaı qalasynyń turǵyny basqarǵan. «Datsýn» kóligindegi 1999 jáne 1973 jyly týǵan jolaýshylar kóz jumdy. Taǵy úsh adam Áýlıekól aýdandyq ortalyq aýrýhanasyna jetkizildi», - dep habarlady polıtsııanyń baspasóz qyzmeti.
Qazirgi ýaqytta osy derek boıynsha QR QK 345-baby 4-bóligimen («Abaısyzda eki nemese odan da kóp adamnyń ólimine ákep soqqan jol qozǵalysy erejelerin buzý») sotqa deıingi tergeý bastaldy.
