Qostanaıdaǵy sý tasqynyna qarsy shtab táýlik boıy jumys isteıdi

QOSTANAI. QazAqparat – Qostanaıda oblystyq sý tasqynyna qarsy shtab táýlik boıy jumys rejımine kóshti, dep habarlaıdy QazAqparat.

«Bul kúnderi Qostanaı oblysy tótenshe jaǵdaı departamentiniń aýmaqtyq bólimshe qyzmetkerleri aýla aralap, jadynamalar taratyp jatyr. Úı ıelerine qardy ýaqytynda jáne barynsha tazalap, aýladan shyǵarý kerektigin taǵy bir ret eske salýda. Sý basqan jaǵdaıda jergilikti turǵyndardan shuǵyl qyzmetterdiń telefonyna habarlasýyn suraımyz», – dep habarlady oblystyq tótenshe jaǵdaı departamenti.

«Oblystyq sý tasqynyna qarsy shtab jáne oblys ákimdiginiń kezekshi qyzmeti táýlik boıy jumys isteıdi. Qajet bolǵan jaǵdaıda azamattar 112 nemese 109 nómirine qońyraý soǵa alady. Ótinim qabyldanyp, oǵan jedel jaýap beriledi», – dep túsindirdi vedomstvoda. Qutqarýshylar 7 myńnan astam aýlany qamtyp, 279 aralaý júrgizdi, 17 myńnan astam adamǵa nusqaý berdi.