Qostanaıdaǵy shekara beketi arqyly elge 60 tonnadan astam bıdaı kirgizbek bolǵandar ustaldy

QOSTANAI. QazAqparat – Qostanaı oblysyndaǵy «Qaıraq» ótkizý pýnkti arqyly elge 60 tonnadan astam bıdaı kirgizbek bolǵandar anyqtaldy, dep habarlaıdy QazAqparat tilshisi.

«21 sáýirde Qostanaı oblystyq Shekara qyzmeti men Memlekettik kirister departamenti birlesip, «Qaıraq» avtokólik ótkizý pýnkti arqyly Qazaqstanǵa 60 tonnadan astam bıdaı ıporttamaq bolǵan 2 árekettiń jolyn kesti. Olar ózge taýardyń atyn jamylyp, elge arpa kirgizbek boldy. Іlespe júk-qujattarynda ózge taýardyń ataýy jazylǵan», - dep málim etti Qostanaı oblystyq Memlekettik kirister departamentiniń baspasóz qyzmetinen.

Eske salaıyq, Aýyl sharýashylyǵy mınıstriniń buıryǵymen 10 sáýirden bastap 6 aı boıy elimizge bıdaı ákelýge tyıym salynǵan bolatyn.