Qostanaıdaǵy saýda ortalyǵy qorshaýǵa alyndy
QOSTANAI. QazAqparat – Qostanaıdaǵy «Mart» saýda, oıyn-saýyq ortalyǵy qorshaýǵa alyndy, dep habarlaıdy QazAqparat.
Aqparatty oblystyq polıtsııa departamentiniń baspasóz qyzmeti rastady. Belgisiz bireý qala ortalyǵynda «Mart» saýda úıine jarylǵysh zattyń qoıylǵanyn habarlaǵan.
«Jarylǵysh zat qoıylǵany týraly habarlama kelip tústi. Aqparat tekserilýde. Saýda ortalyǵynda tıisti mamandar jumys istep jatyr», - dedi oblystyq polıtsııa departamentiniń baspasóz hatshysy Irına Bejenar agenttik tilshisine.
Sonymen qatar, Irına Bejenar jarylǵysh zat týraly jalǵan habarlama taratqandar 5 jylǵa deıin bas bostandyǵynan aıyrylatynyn atap ótti.
