Qostanaıdaǵy órtten bolǵan mal men qus shyǵyny anyqtaldy

QOSTANAI. QazAqparat – Qostanaı oblysyndaǵy órt saldarynan 38 bas iri qara mal men 712 qus shyǵyny boldy. Bul týraly Óńirlik kommýnıkatsııalar qyzmetinde ótken brıfıng barysynda aımaqtyń veterınarııa basqarmasynyń basshysy Aqat Shektibaev aıtty, dep habarlaıdy QazAqparat tilshisi.

«Búgingi tańda arnaıy qurylǵan komıssııa órt saldarynan shyǵyn kelgen mal men qustyń sanyn eseptep jatyr. Ol jumystarǵa veterınarııalyq stantsııalardyń 23 tehnıkasy men 37 mamany jumyldyryldy. Qazirgi aqparatqa sáıkes, Áýlıekól aýdany boıynsha 30 bas iri qara men 2 usaq mal, 105 bas shoshqa jáne 130 qus shyǵyny boldy. Qarasý aýdany boıynsha 8 bas iri qara, 117 bas shoshqa, sonymen qatar 582 qustyń óleksesi tabyldy», - dedi Aqat Shektibaev.

Onyń málimetinshe, shyǵyndar tolyq óteledi. Ol úshin jergilikti bıýdjet esebinen qarjy bólinedi. Aqat Shektibaevtyń aıtýynsha, ótemaqy alý úshin zardap shekken azamattar tıisti dáleldemeler usyna otyryp, jergilikti quzyrly organǵa aryz jazýy kerek. Keıin atalǵan eki aýdandaǵy naryqtyq baǵaǵa sáıkes, olardyń shyǵyny óteledi.

Vıdeodan alynǵan kadr