Qostanaıdaǵy órtke baılanysty taǵy bir aýyldyń adamdary evakýatsııalanyp jatyr

QOSTANAI. QazAqparat - Qostanaı oblysy Áýlıekól aýdanyndaǵy órttiń órshýine baılanysty Baǵanaly aýylynyń turǵyndary da qaýipsiz jerge kóshirile bastady, dep habarlaıdy QazAqparat tilshisi.

«Baǵanaly aýylyndaǵy órt oshaqtarynyń órshýine baılanysty ózge ýchaskelerden Tótenshe jaǵdaılar mınıstrliginiń jeke quramy men tehnıkasy jiberildi. Jergilikti atqarýshy organdardyń kómegimen aýyl halqy evakýatsııalanyp jatyr», - dep málim etti aqparattyq shtab.

Qazirgi ýaqytta Qazanbasy jáne Baǵanaly aýyldarynda 10 tehnıka men jeke quramnyń 52 adamy órt sóndirý jumystaryn júrgizip jatyr.

Sonymen qatar, atalǵan eldi mekendegi tilsiz jaýmen kúreske 3 áýe kemesi jumyldyrylǵan.

Eske salaıyq, búgingi tańda Qostanaı oblysyna qarasty Áýlıekól aýdanyndaǵy 5 aýyl aýmaǵynda órt sóndirilip jatyr.

Ashyq kózderden alynǵan foto