Qostanaıdaǵy órt: Bir áıel janyp ketti
QOSTANAI. QazAqparat - Qostanaıda jeke turǵyn úıde bolǵan órt 1941 jyly týǵan áıeldiń ómirin jalmady, dep habarlaıdy QazAqparat oblystyq TJD baspasóz qyzmetine silteme jasap.
Oqys oqıǵa Qostanaı qalasynda Hakimjanova kóshesindegi jeke turǵyn úıde bolǵan.
«30 sharshy metrlik aýqymda úıdiń edeni, qabyrǵasy, tóbesi otqa oranǵan. Órtti sóndirý 19.50-de bastalyp, 22.04-te aýyzdyqtaldy. Oqıǵa ornynan 1941 jylǵy áıeldiń múrdesi tabyldy», - delingen habarlamada.
Órttiń naqty sebepteri anyqtalý ústinde.
Buǵan deıin oblystyq TJD baspasóz qyzmeti Sarykól aýdanynda eki balyqshynyń adasyp ketkenin habarlaǵan bolatyn.
