Qostanaıdaǵy órt: Amanqaraǵaı aýylynda bir adamnyń máıiti tabyldy

NUR-SULTAN. QazAqparat – Qostanaı oblysy Áýlıekól aýdanyndaǵy órt saldarynan Amanqaraǵaı aýylynda bir adamnyń máıiti tabyldy. QR Tótenshe jaǵdaılar mınıstri ıÝrıı Ilın 1936 jyly týǵan, múgedektigi bar. Marqumnyń ýchaskelik ınspektor evakýtsııalamaq bolǵanda, kómekten bas tartqan, dep habarlaıdy QazAqparat tilshisi.

«Qostanaı oblysy Áýlıkól aýdanyndaǵy búgingi tańdaǵy jaǵdaı týraly málimet bersem, órt 2 qyrkúıek kúni shamamen saǵat 15.10-da tutanǵany belgili. Órttiń jyldam taralýyna kún raıy men sekýndyna 20 metr jyldamdyqpen uıytqyǵan ystyq jel túrtki boldy. Saldarynan órt orman alqabyna keń jaıylyp, eldi mekenderdegi turǵyn aýmaqqa qaýip tóndirdi. Jergilikti ákimdik pen tótenshe jaǵdaıdy joıýǵa jumyldyrylǵan bólimshelerdiń der kezinde qolǵa alǵan sharalary nátıjesinde ótken táýliktiń ishinde órt taralý qaýpi bar eldi mekenderden 1800-den astam turǵyn qaýipsiz jerge kóshirildi. Túngi saǵat 00.00-degi jaǵdaı boıynsha baıandaǵanymda zardap shekkender men qaıtys bolǵandar týraly málimet bolmaǵan edi. Búgin tań atysymen úıindilerdi arshyǵan kezde Amanqaraǵaı eldi mekeninde kisi ólimin anyqtadyq. Bul 1936 jyly týǵan múgedektigi bar adam bolyp shyqty, - dedi mınıstr.

Aıtýynsha, marqum evakýatsııa sharasynan ózi bas tartqan.

«Turǵyndardy evakýatsııalaý kezinde ýchaskelik ınspektor ony da habarlandyrǵan – evakýatsııalaý sharalarynan bas tartqan. Sonda da kisi ólimi faktisi boıynsha tergeý sharalary júredi», -dedi ıÝrıı Ilın.