Qostanaıdaǵy órt: Amanqaraǵaı aýylynda 98 úı órtenip ketti

NUR-SULTAN. QazAqparat – Qostanaı oblysy Áýlıekól aýdanyndaǵy órt saldarynan Amanqaraǵaı aýylynda 98 úı órtenip ketti. Bul jaıynda QR Tótenshe jaǵdaı mınıstri ıÝrıı Ilın málim etti, dep habarlaıdy QazAqparat tilshisi.

«Qalyptasqan jaǵdaıdyń saldarymen keshegi táýlikte Tótenshe jaǵdaı mınıstrliginiń bólimsheleri de, jergilikti ákimdik qurylymdary da belsendi kúresti. «Qazaqstan Temir Jol» ulttyq kompanııasynyń jergilikti bólimshesi de úlken kómek kórsetti. Óıtkeni Amanqaraǵaı aýylyndaǵy munaı bazasynda jarylys qaýpi bolǵan edi. Órt sóndirgish poıyzdardyń iske aralasýymen jalyn taralmaı qaldy. Onda jaǵdaı áldeqaıda qaıǵyly bolar edi»,- dedi ıÝrıı Iln.

Sondaı-aq, ol órttiń turǵyndarǵa keltirgen zııany esepteletinin aıtty.

«Oblys ákiminiń tapsyrmasy boıynsha órtten zardap shekkenderdiń shyǵyny baǵalanady. Memleket basshysy Úkimetke tapsyrma berdi. Qazir halyqtyń tabıǵı apattan kórgen shyǵynyn óteýge qarjy bólý máselesi qarastyrylyp jatyr.

Qazirgi tańda eń kóp zardap shekken Amanqaraǵaı eldi mekeni bolyp otyr. Órt joıǵan 98 úı bar munda. Sondaı-aq, Ozernoe eldi mekeninde 8 úı, Lesnoe eldi mekeninde 1 úı órtenip ketti. Sondyqtan bul baǵytta jumyldyrylǵan kúshter órttiń atalǵan eldi mekenderde ári qaraı taralmaýyna jumys isteıdi. Ondaǵy turǵyndar ýaqytsha panalaý oryndaryna jetkizilgen. Olardyń bir bóligi týysqandaryn panalap ketti. Ýaq y tsha kóshetin jeri joq turǵyndar panalaý oryndarynda jatyr. Olardy tamaqtandyrý, medıtsınalyq kómek kórsetý, psıholoıgıalyq kómek qyzmetteri uıymdastyryldy», - dedi mınıstr.