Qostanaıdaǵy órt: 1 áıel mert boldy
QOSTANAI. QazAqparat - Qostanaıdaǵy KSK shaǵyn aýdanynda órt bolyp, 64 adam qaýipsiz jerge kóshirildi, dep habarlaıdy QazAqparat tilshisi oblystyq TJD baspasóz qyzmetine silteme jasap.
Oqys oqıǵa 5 qarasha kúni Qobylandy batyr kóshesindegi 24-shi úıde boldy.
Departament qyzmetkerleri túngi saǵat 01:48-de órttiń ekinshi qabattaǵy № 121 páterden shyqqanyn anyqtady. Jalyn birden joǵarǵy qabattardy qarmaǵan. Aldyn-ala ıýoljam boıynsha órt aýmaǵy 25 sharshy metrdi quraıdy.
«Órt sóndirýge 24 adam jáne 9 arnaıy tehnıka jumyldyryldy. Soltústik óńirlik aero-utqyr jasaǵynan 4 adam shaqyrtyldy. Gaz-tútinnen qorǵaý qyzmetiniń býyny órt oshaǵynda qalǵan adamdardy izdedi. Turǵyndar joǵarǵy qabattan avtosatylar arqyly tómen túsirildi. Órt 02:37-de aýyzdyqtaldy», - delingen TJD baspasóz qyzmetiniń resmı málimdemesinde.
Órt aýmaǵynan 1960 jyly týǵan áıeldiń máıiti tabyldy. Barlyǵy 64 adam qyzyl jalynnan oqshaýlandy. Onyń ishinde altaýy - balalar. Órt tolyqtaı 3:04 saǵatta óshirildi.
