Qostanaıdaǵy oqýshy ólimi: Reseı azamaty ustaldy
ASTANA. QazAqparat - Qostanaı oblysynda 4 synyp oqýshysyn óltirdi degen kúdikpen Reseı Federatsııasynyń azamaty tutqyndaldy. Bul týraly búgingi brıfıng barysynda QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat tilshisi.
«Qostanaı oblystyq ІІD Krımınaldyq polıtsııa qyzmetkerleri Qarasý aýdanyna qarasty Vostok aýylynda qylmysyn jasyrý maqsatynda 4 synyp oqýshysyn óltirdi degen kúdikpen Reseı Federatsııasynyń azamatyn ustady», - dedi ol.
Buǵan deıin habarlaǵanymyzdaı, Qarasý aýdanynyń Vostok aýylynda 11 jastaǵy balanyń múrdesi tabylyp, osy iske qatysty sotqa deıingi tergeý sharalary júrgizile bastaǵan edi.
Keıin oblystyq ІІD baspasóz qyzmeti jedel-iz kesý sharalary barysynda 46 jastaǵy Qarasý aýylynyń turǵyny ustalǵanyn jáne ol qylmysyn moıyndaǵanyn jarııa etken bolatyn.
