Qostanaıdaǵy oqýshy qyzdyń ólimi: Kúdikti anyqtaldy
QOSTANAI. QazAqparat - Qostanaı qalasynda óltirilgen 9-synyp oqýshysyna qatysty qylmystyq is boıynsha jańa derekter jarııa etildi, dep habarlaıdy QazAqparat.
«15 jasar qala turǵynyna qatysty is boıynsha QR QK 99-babymen (Kisi óltirý) sotqa deıingi tergeý júrgizilip jatyr. Kúdikti belgili boldy. Ol 44 jastaǵy Qostanaı qalasynyń turǵyny. Polıtseıler qylmystyq-protsesýaldyq kodekske sáıkes, oqıǵanyń mán-jaıyn anyqtaýda», - dep habarlady oblystyq ІІD baspasóz hatshysy Irına Bejenar.
Sondaı-aq, oblystyq ІІD oqýshynyń ólimine qatysty isti óz baqylaýyna aldy.
Vedomstvoda málim etilgendeı, oqýshynyń jeke ómirine qatysty málimetterin taratý jáne buqaralyq aqparat quraldarynda paıdalaný QR Qylmystyq kodeksiniń 147-baby boıynsha qylmystyq jaýapkershilikke tartýǵa ákep soqtyrady.
