Qostanaıdaǵy koreı qaýymdastyǵy jastarǵa úndeý joldady
Oblystyq Qazaqstan halqy Assambleıasynyń múshesi Qalqaman Jaqyptyń sózinshe, bul jolǵy saılaý der kezinde qabyldanǵan sheshim boldy.
«2019 jyldyń 9 maýsymynda mańyzdy saıası oqıǵa - Qazaqstan Respýblıkasy Prezıdentiniń kezekten tys saılaýy ótedi. Táýelsizdik el retinde Memleket basshysyn altynshy ret saılamaqpyz. Osy jyldar ishinde Elbasy elimizdi bıik belesterge jeteledi... Saılaý - el ómirindegi mańyzdy kezeń. Árbir azamat óziniń jáne memleketiniń taǵdyry úshin jaýapkershilikti túsinýi tıis», - deıdi Qalqaman Jaqyp.
Forým barysynda oblystyq koreı qaýymdastyǵy tóraǵasynyń orynbasary Ýlıana Kım jastarǵa úndeý oqydy.
«Kezekten tys saılaý adamdardyń belsendi azamattyq ustanymyn bildirýine múmkindik týǵyzady. Elimizdiń aldynda turǵan barlyq mindetterdi sheshý úshin halyqty bir arnaǵa jumyldyrýǵa qýatty serpin beredi. Sizder, jastar ózderińizdiń otansúıgishtik sezimderińizdi kórsetip, saılaýǵa qatysyp, laıyqty úmitkerge daýys berip, azamattyq boryshtaryńyzdy oryndańyzdar», - dedi Ýlıana Kım.
Etnomádenı birlestikter janyndaǵy jastar qanattarynyń kóshbasshylary, «Jańǵyrý joly» respýblıkalyq jastar qozǵalysynyń belsendi músheleri, joǵary polıtehnıkalyq kolledji men Qostanaı pedagogıkalyq kolledjiniń shyǵarmashylyq ujymdary alda bolatyn kezekten tys saılaýǵa qoldaý bildirdi.
