Qostanaıdaǵy kópqabatty úıdiń syrtyna Abaıdyń portreti salynyp jatyr
QOSTANAI. QazAqparat - Qostanaıdaǵy kópqabatty úılerdiń birine Abaı Qunanbaevtyń portreti salynyp jatyr, dep habarlaıdy QazAqparat.
Jaqyn kúnderi qaladaǵy 9 qabatty úıdiń qabyrǵasyna Uly Abaıdyń beınesi ornatylady. Portretti salý jumystary búgin bastaldy. Qalalyq ákimdiktiń TQSh bóliminiń basshysy Alekseı Tarasovtyń sózinshe, qostanaılyqtar aqynnyń kitap ustap turǵan beınesin aldaǵy eki apta kóleminde tolyǵymen kóre alady. Bul jobany «Rýhanı jańǵyrý» baǵdarlamasy aıasynda «Meıirimdilik» qoǵamdyq qory júzege asyrmaq.
Aıta keteıik, osyǵan uqsas jobalar Almaty, Astana, Petropavl qalalarynda da qolǵa alynǵan bolatyn.
