Qostanaıdaǵy kóktaıǵaqta 8 júk kóligi joldan shyǵyp ketti
QOSTANAI. QazAqparat - Qostanaı oblysynda kóktaıǵaq kesirinen 8 júk kóligi jol jıegine shyǵyp ketken, dep habarlaıdy QazAqparat «QazaqAvtoJol» JShS-na silteme jasap.
Búgin «QazaqAvtoJol» JShS-nyń oblystyq fılıalynyń qyzmetkerleri apattyq jaǵdaıǵa tap bolǵan júk kólikterine kómektesti.
«Kóktaıǵaq saldarynan «Qostanaı-Áýlıekól-Surǵan» tasjolyndaǵy kólik qozǵalysy qıyndady. Nátıjesinde 8 júk kóligi jol jıegine shyǵyp ketti. Qutqarý jumystaryna seriktestiktiń 3 arnaıy tehnıkasy jumyldyryldy. Buǵan qosa Qostanaı qalasynan barǵan býldozerdiń kómegi paıdalanyldy», - delingen vedomstvonyń habarlamasynda.
Aýa raıynyń qolaısyzdyǵyna baılanysty «Qazaqavtojol» JShS kólik ıelerine ázirge jolǵa shyǵýdan bas tartýǵa keńes beredi. Sondaı-aq, mamandar joldaǵylarǵa jyldamdyqty shekten tys asyrmaýǵa jáne avtomobılder arasynda qashyqtyqty saqtaýǵa, kólikpen oqys manevr jasaýdan aýlaq bolýyn suraıdy. Aıta keteıik, qazir «QazaqAvtoJol» JShS-nyń 150-200 tehnıkasy kúsheıtilgen jumys tártibine kóshti.
