Qostanaıdaǵy Kóktal aýylynda turǵyn úıler sý astynda qaldy
QOSTANAI. QazAqparat - Qostanaı oblysy Áýlıekól aýdanynyń Kóktal aýylynda sý tasýdyń saldarynan turǵyn úılerge zaqym keldi, dep habarlaıdy «QazAqparat» HAA-niń tilshisi.
Facebook jelisinde sýǵa batqan úılerdiń biriniń vıdeosy paıda boldy.
Beınerolıktiń avtory - sýdan zardap shekken úılerdiń biriniń turǵyny kameramen bólmelerdi aralap, úıdiń qanshalyqty sý basqanyn kórsetpekshi bolǵan. Beınematerıaldaǵy kóriniske qaraǵanda, úı ıeleri asyǵys úı zattaryn saqtap qalǵylary kelip, stoldarǵa jáne tereze aldyna úıip qoıǵan.
Respýblıkalyq Tótenshe jaǵdaılar komıteti ókilderiniń osyǵan deıin habarlaǵanyndaı, Qostanaı oblysynyń Qarasý aýdanyndaǵy 4 eldi mekendi de sý basqan.
