Qostanaıdaǵy qoǵamdyq keńes jolaqynyń ósýine qarsy boldy
QOSTANAI. QazAqparat - Qalalyq qoǵamdyq keńes avtobýs jolaqysynyń 100 teńgege deıin qymbattaýyna qarsy boldy, dep habarlaıdy QazAqparat tilshisi.
Qalalyq qoǵamdyq keńestiń tóraǵasy Vladımır Sovanyń sózinshe, keńes músheleri jolaqynyń 100 teńgege ósýin quptamady.
«Ázirge avtobýs jolaqysynyń tarıfine ózgeris engen joq. Qoǵamdyq keńes jolaýshy tasymaldaýshy kompanııalardyń ótinishine qarsy boldy. Biz jolaqyny ósirýge áser etip turǵan faktorlardy kórip otyrǵan joqpyz», - dedi V.Sova.
Qostanaı qalasy ákimdiginiń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy Alekseı Tarasov aıtqandaı, jolaqy máselesi sáýir aıynda naqty sheshiledi.
«Bul másele byltyrdan beri qozǵalyp kele jatyr. Zań boıynsha, janar-jaǵarmaı baǵasy men qurylys bólshekteri 25%-ǵa qymbattasa, tasymaldaýshylar jergilikti atqarýshy organdarǵa tarıf qunyn ósirý týraly ótinish bere alady. Qoǵamdyq keńes jolaqynyń 100 teńgege deıin qymbattaýyna qarsy shyqty. Endi bul suraqty sarapshylar keńesine salamyz. Eger olar da qarsy shyqsa, baǵa sol qalpynda qalady», - dedi Tarasov.
Aıta keteıik, tasymaldaýshylar qala syrtyna shyǵatyn qoǵamdyq kólikter tarıfin 150 teńgege deıin qymbattatýdy usyndy.
