Qostanaıdaǵy iri jol apaty: Úsh kólik soqtyǵysty
QOSTANAI. QazAqparat - Qostanaı oblysynyń bolǵan iri jol-kólik oqıǵasy týraly ІІD baspasóz qyzmetinde málim etildi, dep habarlaıdy QazAqparat tilshisi.
17 qazanda «Qostanaı-Rýdnyı» tas jolynda úsh avtokólik soqtyǵysty. «KamAZ» júk kóliginiń júrgizýshisi ara qashyqtyqty saqtaı almaı, alda kele jatqan taǵy bir «KamAZ» kóligine soǵylǵan. Sonyń nátıjesinde aldyńǵy «KamAZ» jol tósemine belgi salyp kele jatqan «Gazel» avtokóligine janasty.
«Jol-kólik oqıǵasynan 57 jastaǵy «KamAZ» avtokóliginiń júrgizýshisi aýyr jaraqat aldy. Oǵan jol erejesin buzǵany úshin ákimshilik hattamasy toltyryldy. Qalǵan kólikterdiń júrgizýshileri túrli dene jaraqattarymen aýrýhanaǵa jetkizildi» - delingen ІІD baspasóz qyzmeti habarlamasynda.
